អគ្គិភ័យឆេះ បំផ្លាញផ្ទះ អាជីវករ លក់មាស ប្តូរប្រាក់ នៅផ្សារមង្គលបុរី មួយខ្នង

បន្ទាយមានជ័យ ៖ ផ្ទះរបស់អាជីវករ លក់មាស និងប្តូរប្រាក់ នៅផ្សារ មង្គលបុរីមួយខ្នង ដែលមានទីតាំងស្ថិត ភូមិគោកស្វាយ ឃុំប្ញស្សីក្រោក ស្រុកមង្គលបុរី ខេត្តបន្ទាយមានជ័យ កាលពីពីវេលា ម៉ោង៣ និង៣០នាទីរសៀល ថ្ងៃទី១១ ខែមករា ឆ្នាំ២០១៤ ត្រូវបានអគ្គិភ័យឆេះទាំងស្រុង ដែលសមត្ថកិច្ច សន្និដ្ឋានជាជំហានដំបូងថា បណ្តាលមកពីទុស្សេខ្សែភ្លើង។
សមត្ថកិច្ចមូលដ្ឋាន បានឲ្យដឹងថា អគ្គិភ័យខាងលើនេះ បានកើតឡើងនៅពេលដែលម្ចាស់ផ្ទះ ដែលមានប្រពន្ឋ ឈ្មោះ យក់ ធី អាយុ ៦២ឆ្នាំ និងប្តី របស់ខ្លួន បានចាក់សោទ្វារ ហើយទៅលក់មាស និងប្តូរប្រាក់ នៅផ្សារមង្គលបុរី ។
បើទោះបីសមត្ថកិច្ចពន្លត់ អគ្គិភ័យ នៃស្នងការនគរបាលខេត្ត បានបញ្ជូនរថយន្ត ចំនួន ២គ្រឿង ព្រមទាំងមាន ការជួយអន្តរាគមន៍ ពីសមត្ថកិច្ច និងប្រជាពលរដ្ឋ ក្នុងមូលដ្ឋាន យ៉ាងក៏ដោយនោះ ក៏មិនអាចពន្លត់ភ្លើង ដែលឆាបឆេះ យ៉ាងសន្ធោសន្ធៅ នេះបានដែរ ។
សម្រាប់ទំហំនៃការខូចខាត មិនទាន់មានការ បញ្ជាក់នៅឡើយទេ ៕
ដកស្រងចេញពីwebsite dapnews.com

brought to you by IT Koh Trol